Colours of Albania

Colours of Albania

#ColoursofAlbania - Diplomacia digjitale në veprim

 

Çfarë është #ColoursofAlbania?

Fushatë mbarëkombëtare dhe konkurs fotografik në mediat sociale për promovimin e Shqipërisë (Instagram, Facebook, Twitter, Web)

 

Prezanto me imagjinatë Shqipërinë!

Kjo iniciativë synon prezantimin e imazhit të vendit, duke përcjellë anë e mbanë botës ngjyrat e vërteta të shoqërisë, qytetet dhe fshatrat mahnitëse, bregdetet dhe peizazhet e paprekura, si dhe pazaret e kështjellat historike të Shqipërisë.

 

Konkursi

Tema ështe e lirë, duke përfshirë këtu bashkëjetesën fetare, shoqërinë shqiptare, artin, kulturën, etj. Çdo  javë do të publikohet tema në llogaritë e  Instagram, FacebookTwitternë faqen e internetit të Ministrisë për Evropën dhe Punët e Jashtme, të përfaqësive shqiptare nëpër botë dhe të institucioneve të tjera publike.

 

Kohëzgjatja

Promovimi i #ColoursofAlbania do të fillojë më 24 prill 2017 dhe do të zgjasë deri më 30 korrik 2017.

 

Pjesëmarrësit

Konkursi është i hapur për të gjithë qytetarët shqiptarë dhe veçanërisht të rinjtë, të apasionuarit pas fotografisë, udhëtimit, artit, kulturës, natyrës, etj.

Bashkëpunëtorë në promovimin e #ColoursofAlbania

Institucionet Publike që na mbështesin:

#ColoursofAlbania është projekti i Ministrisë për Evropën dhe Punët e Jashtme, mbështetur nga Ambasada norvegjeze në Kosovë dhe British Council i cili synon eksplorimin e temës “Shqipëria përmes syve tanë” nëpërmjet grumbullimit të fotove kreative nga përdoruesit e instagramit dhe mediave të tjera sociale.

 

Personazhe të njohura që na kanë mbështetur ndër vite: Ermonela Jaho, Saimir Pirgu, Kledi Kadiu, Alban Nimani, Nëntor Orseku dhe Skuadra Kombëtare e Futbollit  

 

Rregullat

 

1. Ndiqni imagjinatën tuaj dhe fotografoni bukuritë e Shqipërisë;

2. Publikoni fotografitë në profilin tuaj në instagram me hashtag #CouloursofAlbania;

3. Bëni TAG profilin tonë në Instagram @ColoursofAlbania;

4. Bëni TAG në Facebook @ColoursofAlbania;

5. Mund të dërgoni fotografitë duke bërë “CHECK IN” vendin ku është marrë;

6. Mund të dërgoni fotografitë që keni publikuar muaj më parë, mjafton të vendosni këtë hashtag #ColoursofAlbania.

 

Juria

Juria e edicionit #ColoursOfAlbania2017 do të jetë e përbërë nga katër anëtarë të cilët janë të lidhur ngushtësisht me fotografinë:

1.Jutta Benzemberg, fotografe

2.Zeff Paci, Historian Arti

3.Jetmir Idrizi, fotograf nga Kosova

4.Jorida Murati, fotografe

 

Juria do të përzgjedhë 10 fotot më të mira prej të cilave do të përzgjidhen dhe çmimet

•Vendi i parë;

• Dy vende të dyta;

• Tre vende të treta.

 

Fituesit do të ftohen të jenë të pranishëm në ekspozitën e fotografisë dhe aktivitetet që do të zhvillohen në kuadër të iniciativës #ColoursofAlbania.

 

Fotot fituese do të jenë pjesë e një albumi që do të shpërndahet në të gjitha përfaqësitë shqiptare nëpër botë dhe do të përdoret si dhuratë simbol i Ministrisë për Evropën dhe Punët e Jashtme.