Postuar më: 05 Prill 2017

MPJ dënon përdorimin e armëve kimike në Siri

Ministria e Punëve të Jashtme dënon me forcë sulmin me armë kimike në Siri, kundër civilëve të pafajshëm, përfshirë gra dhe fëmijë. Ky akt monstruoz përbën dhunim të Konventës mbi Armët Kimike (CWC) dhe një tjetër veprim të patolerueshëm në konfliktin tashmë gjashtë vjeçar në Siri.

MPJ mbështet përpjekjet për një hetim ndërkombëtar të menjëhershëm në mënyrë që autorët të vihen para përgjegjësisë.

MPJ thekson se ndalimi i armiqësive dhe arritja e një zgjidhjeje politike, janë rruga e vetme për t'i dhënë fund konfliktit në Siri dhe pasojave katastrofike të tij.